आर्थिक स्वातंत्र्य म्हणजे काय ?

नमस्कार ,

खर्‍या अर्थाने जीवनाला आनंद देणारा मार्ग म्हणजे ‘’आर्थिक स्वातंत्र्य’’

मागील लेखात आपण पहिले मध्यमवर्गीय कुटुंबाचे आर्थिक नियोजन कसे असते. आज आपण पाहू ‘’आर्थिक स्वातंत्र्य’’ म्हणजे काय इंग्लिश मध्ये त्याला  Financial Freedom असे म्हणतात.

आर्थिक स्वातंत्र्य म्हणजे अगदी सोप्या भाषेत मनासारखे आयुष्य जगणे. कोणावरही पैश्यासाठी अवलंबून न राहता आनंदाने आयुष्य जगणे होय. वाटेल तेव्हा खायचे , वाटेल तेव्हा  बाहेर फिरायला जायचे, कुटुंबासाठी फक्त रविवारी वेळ न देता दररोज वेळ देणे, तुमचे राहिलेले स्वप्न पूर्ण करणे, 9 ते 5 चे जेल सोडून आपल्या ईच्छा पूर्ण करणे ,तुमच्या कुटुंबाच्या आरोग्याकडे लक्ष देणे आणि अजून बरेच काही म्हणजे आर्थिक स्वातंत्र्य होय. तुम्ही कल्पना पण नाही करू शकत की आर्थिक स्वातंत्र्यअनुभवण्याचा आनंद काय असतो.

एकदा असे समझा की, तुमहाला आर्थिक स्वातंत्र्य प्राप्त झाले आहे. उद्यापासून तुमहाला पैश्यासाठी काम करण्याची गरज नाही, कसे वाटेल? कल्पना करूनच मन प्रसन्न होते पण अगदी 5% लोक आर्थिक स्वातंत्र्य प्राप्त करतात योग्य प्रकारे नियोजन करून.

मला कळत नाही आपण आपले अर्ध्यापेक्षा जास्त आयुष्य कामात घालवतो. सामान्य माणूस सकाळी 8 ला घरा बाहेर कामासाठी पडला की संध्याकाळी 7 ला येतो आणि फक्त कुटुंबासाठी त्याच्याकडे 2 तास असतात अगदी नक्की आपण कोणासाठी जगत आहोत कुटुंबासाठी की कंपनी साठी? येवढे 12  तास काम करूनही त्याच्या गरजा पूर्ण होत नाही स्वप्न तर खूप लांब राहिले याचे मुख्य कारण म्हणजे योग्य त्या वेळेत नियोजन न करणे.आपल्यापैकी 80% लोक कामावरून आले की TV पाहतात मनोरंजांनासाठी पण नवीन काहीतरी का शिकत नाहीत ? का त्यांना वाटत नाही की आपले आर्थिक जीवन सुधारले तर आपले जीवन बदलून जाईल.

आपल्याकडे  लोकांचा बघण्याचा दुष्टिकोण बदलेल तसेच कुटुंबाच्या जीवनशैलीत बदल घडवून आपण त्यांचे  स्वप्न पूर्ण करु. शनिवार ची संध्याकाळ ची रात्र आपल्याला आनंद देत असते कारण, उद्या रविवार आहे आणि सुट्टी आहे. रविवार म्हणजे काय ? रविवार म्हणजे काहीतरी नवीन शिकण्यासाठी दिलेला दिवस म्हणजे रविवार असतो. पण आपली आर्थिक परिस्थिति चांगली नसतानाही आपण Credit Card च्या जिवावर Mall मध्ये भरमसाठ खरेदी करतो कोणतेही नियोजन न करता आणि पुढील तीन चार महीने त्याचे हफ्ते भरत राहतो. मी असे नाही म्हणत की तुम्ही Enjoy नका करू पण खरच रविवारी mall मध्ये गेल्यावरच आनंद भेटेतो का? तुमही एका बागेत किंवा अश्या ठीकणी जिथे तुमचे मन प्रसन्न होईल पण, आपण स्वताला आणि मुलांना सवय लावली आहे बाहेर जाने म्हणजे खर्च करणे. खर्च करा पण आपले उत्पन्न बघा उत्पन्नाच्या 15% च्या वर मनोरंजांनासाठी खर्च करू नका. आपण पुढे याबद्दल सविस्तर माहिती बघणार आहोत. तुम्ही जोपर्यंत स्वता: काही शिकणार नाही तोपर्यंत तुमच्या जीवनात बदल नाही घडू शकत.

आर्थिक स्वातंत्र्य सोपे नाही पण अशक्य पण नाही. प्रत्येकासाठी आर्थिक स्वातंत्र्य ची रक्कम वेग- वेगळी असू शकते ते अवलंबून आहे त्याच्या जीवनशैली वर, कोणासाठी 50 लाख , कोणासाठी 1 करोड तसेच कोणासाठी 10 करोड पण कमी. मला तर साधे सरल राहणे आवडते आणि तेच तुमहाला आर्थिक स्वातंत्र्याच्या मोहिमि वर पोहचवते.

एखादी वस्तु घेताना 21 वेळेस विचारा खरच ह्या वस्तूची गरज आहे का? आणि 21 वेळे नंतर पण उत्तर आले “होय’’ गरज आहे तरच ती वस्तु खरेदी करा पण बर्‍याच वेळेस तुमचे उत्तर नाही येईल आणि ज्यावेळेस उत्तर नाही आले तो पैसा गुंतवा तरच तुम्ही गुंतवणुकीतून आर्थिक स्वातंत्र्य मिळवू शकाल. गरज नसलेल्या वस्तु खरेदी केल्या तर एक दिवस गरजेच्या वस्तु विकण्याची वेळ येते. सगळे नियम सोपे असतात आपण फक्त पाळत नाही हा problem आहे कारण , आपल्या स्वत: वर Control नाही आपले. आर्थिक स्वातंत्र्य मिळवण्यासाठी मोठ्या रकमेची गरज नसते. तुम्ही अगदी 500 रुपये ,1000 रुपये महिन्याला 20-25 वर्ष गुंतवणुकीतून चक्रवाढ व्याजाचा फायदा घेऊन पण आर्थिक स्वातंत्र्य मिळवू शकता.

लक्षात ठेवा तुमच्या घरातील बादलीला जर छिद्र असेल तर भरेलेली बादली पण काही वेळाने रिकामी होते आणि तसेच उलट रिकाम्या बादलीत जर नळातून थेंब थेंब पडत असतील तर, काही काळाने ती बादली भरते. थेंबे थेंबे तळे साचे तसं. तुमच्या हातात आहे तुमहाला छिद्र बनायचे की थेंब ,हे ज्याला समजले तो लवकरच आर्थिक स्वातंत्र्य मिळवेल यात काही शंका नाही.

मलाही आर्थिक स्वातंत्र्य अजून प्राप्त नाही झाले पण मी त्याच्या वाटेवर आहे आणि त्यासाठी मी पहिलेच पाऊल टाकले आहे. जोपर्यंत मी आर्थिक स्वातंत्र्य मिळवणार नाही तोपर्यंत मी काही शांत बसणार नाही आणि हा  माझ्याबरोर तुमहालाही मी आर्थिक स्वातंत्र्य मिळवण्यास नक्की मदत करेन.

माझे काही  अनुभव ,गुंतवणूकदार कोठे चुका करतात, मराठी माणूस का गुंतवणूक करत नाही, गुंतवणूक एक जोखीम आहे की खरच आयुष्य आनंद जगण्याचा मार्ग तसेच कोठे गुंतवणूक करावी कोठे नाही ,याबद्दल मी पुढे सविस्तर माहिती देईलच. मला जस जमेल तस मी लिहण्याचा प्रयत्न करतो काही चुका असतील तर क्षमा असावी.

चला आजपासून एक पाऊल आर्थिक शिक्षणाकडे टाकुया.

धन्यवाद

लेख-धिरज भराट

मिशन - सामान्य मराठी माणसाला आर्थिक शिक्षण देऊन , आर्थिक स्वातंत्र्य मिळवून देणे.

'गुंतवणुकीतून आर्थिक स्वातंत्र्य' ह्या पेज ला Like, Follow करायला विसरू नका

#Financial freedom,#Goal based planning,#money work for you, #आर्थिक नियोजन,#Investing